4 months ago - Translate

ក្នុងឱកាសបុណ្យភ្ជុំបិណ្ឌនេះ យើងខ្ញុំសូមប្រសិទ្ធិពរជ័យ​ សិរីសួរស្តីដល់បងប្អូនញ្ញាតិមិត្តជិត ឆ្ងាយទាំងអស់ អៅយជួបតែសំណាងល្អ សុខភាពល្អ រាល់ដំណើរកំសាន្តជិត ឆ្ងាយអោយជួប តែសុខសុវត្តិភាព កុំឈឺ កុំក្រ។ ពីយើងខ្ញុំ Angkorzoom

image
4 months ago - Translate

ចំណេញមែន! ប្រូម៉ូសិន​ពិសេស​សម្រាប់​ភ្ជុំបិណ្ឌ​នៅ​ Eocambo Resort & Spa
សណ្ឋាគារ​ Eocambo​ Resort​ & Spa​ ផ្ដល់​ប្រូម៉ូសិន​ពិសេស​អបអរ​ឱកាស​បុណ្យ​ភ្ជុំបិណ្ឌ​ប្រពៃណីខ្មែរ​ ដោយ​ផ្ដល់​ជូន​នូវ​តម្លៃ​បន្ទប់​ចាប់​ពី​ ៣៩​ ដុល្លារ​ឡើង​ទៅ​តែ​ប៉ុណ្ណោះ។​ លើស​ពី​នេះ​ អតិថិជន​នឹង​ទទួល​បាន​ការ​បញ្ចុះ​តម្លៃ​ ២០%​ រាល់​ការ​ទទួលទាន​អាហារ​ និង​ភេសជ្ជៈ​ និង​ ៣០%​ លើ​សេវាកម្ម​ម៉ាស្សា​ពី​សណ្ឋាគារ។​
Eocambo​ Resort​ & Spa​ មាន​ទីតាំង​ស្ថិតនៅ​ចំ​កណ្ដាល​ក្រុង​សៀមរាប​ ងាយស្រួល​ក្នុង​ការធ្វើដំណើរ។​ អតិថិជន​ដែល​ទៅ​ស្នាក់នៅ​សណ្ឋាគារ​នេះ​ ធ្វើ​ដំណើរ​ត្រឹមតែ​ ៥នាទី​ប៉ុណ្ណោះ​ពី​ Pub​ street​ ហើយ​ចំណាយ​ពេល​ត្រឹមតែ​ ១០-១៥នាទី​ប៉ុណ្ណោះ​ពី​ព្រះអង្គ​ចេក​ ព្រះអង្គ​ចម​ និង​ពី​សួនដំណាក់ស្ដេច។​
សណ្ឋាគារ​មាន​បន្ទប់​បំពាក់​ដោយ​ម៉ាស៊ីន​ត្រជាក់​ មាន​អាហារ​ពេល​ព្រឹក​ជា​លក្ខណៈ​ប៊ូហ្វេ​ និង​ប្រភេទ​អាហារ​កម៉្មង់​ អាង​ហែល​ទឹក​សម្រាប់​អតិថិជន​ដែល​ចូល​ស្នាក់នៅ​ដោយ​ឥត​គិតថ្លៃ។​ មិន​តែ​ប៉ុណ្ណោះ​ មាន​សេវាអ៊ីនធឺណេត​ Wifi​ ល្បឿនលឿន​(១៥០Mb)​ ចំណត​រថយន្ត​ធំ​ទូលាយ​និង​មាន​សន្តិសុខ​យាម​ ២៤ម៉ោង​ រួម​ទាំង​សេវាកម្ម​ទៅ​ទទួល​ដល់​ព្រលាន​យន្តហោះ​ថែម​ទៀត​ផង។​
ប្រូម៉ូសិន​ពិសេស​ទាំងអស់​នេះ​ផ្ដល់ជូន​សម្រាប់​តែ​បងប្អូន​ជនជាតិ​ខ្មែរ​តែ​ប៉ុណ្ណោះ​ ចាប់​ពី​ថ្ងៃទី​ ១៣​ កញ្ញា​ដល់​ថ្ងៃទី​ ០១​ តុលា​ ឆ្នាំ​២០១៩ នេះ៕​

ព័ត៌មាន​បន្ថែម​សូម​ទាក់ទង​ទៅ​បុគ្គលិក​ផ្នែក​លក់​របស់​សណ្ឋាគារ​ដោយ​ផ្ទាល់​តាមរយៈ ៖​

ទូរសព្ទលេខ : 0៧០ ៣៧ ៩៩ ០៥/ ០១០ ៣៦ ៩៨ ៩៨ / ០៧៨ ៩៤១ ៦៤១ / ០៧៨ ៣៩ ៩៩ ០៥
Facebook Page : Eocambo Resort & Spa

image
5 months ago - Translate

សូមណែនាំកន្លែងកម្សាន្តថ្មីសម្រាប់ខេត្តត្បូងឃ្មុំ

នេះជារមណីយដ្ឋានថ្មីស្ថិតនៅភូមិក្បាលអូរ ឃុំគ ស្រុកត្បូងឃ្មុំ ខេត្តត្បូងឃ្មុំ មានចំងាយ31គម ពីសាលាខេត្ត។ សូមអញ្ជើញបងប្អូនទៅកម្សាន្តមានទឹកហូរខួបប្រាំងខួបវស្សា តាមដងផ្លូវមានទេសភាពស្រស់ស្អាត ចំការកៅស៊ូ ម្រេច ចន្ទី ខ្យល់បរិសុទ្ឋ។
ម.ទេសចរណ៍ខេត្តត្បូងឃ្មុំ

imageimage
+6
5 months ago - Translate

សត្វសាហាវ​​បំផុត​ ១០​ប្រភេទ​ នៅ​ព្រៃ​អាម៉ាហ្សូន

អាម៉ាហ្សូន​ គឺ​ជា​ព្រៃ​លិច​ទឹក​ធំ​ជាងគេ​បំផុត​នៅ​ក្នុង​លោក ​ដែលស្ថិត​នៅ​ក្នុង​ប្រទេស​៩ មាន ​ប្រេស៊ីល ប៉េរូ កូឡុំប៊ី វេណេហ្ស៊ុយអេឡា អេក្វាឌ័រ បូលីវី ហ្គីអាណា ស៊ូរីណាម និងFrench Guiana។ ​វា​ក៏​​ស្មើ​នឹង​ពាក់​កណ្ដាល​នៃព្រៃ​លិចទឹក​ដែល​នៅ​សល់​លើ​ផែនដី​ផង​ដែរ។ វា​ជា​សំបុក​ដើម​ឈើ​កម្រ​ៗ ​សត្វ​មាន​ជាង ១៦០០០ប្រភេទ ដែល​ភាគច្រើន​​មិន​មាន​ដុះ ឬ​រស់​នៅ​ តាម​តំបន់​ផ្សេង​​ជុំវិញ​ពិភពលោក​ឡើយ។ ក្រុម​អ្នក​វិទ្យាសាស្ត្រ​និយាយ​ថា​ពួកគេ​តែង​តែ​រក​ឃើញ​សត្វ​ប្រភេទ​ថ្មី​មួយ រៀងរាល់​ ៣ថ្ងៃ​ម្ដង។ ខាង​ក្រោម​នេះ​ជា​សត្វ​ដែល​គេ​​គិត​ថា​ មាន​ភាព​សាហាវ​ជាងគេ​បំផុត ដោយ​ពិស​វា​បាន​ធ្វើ​ឲ្យ​មនុស្ស ឬ​សត្រូវ​របស់​វា​ស្លាប់​ក្នុង​រយៈពេល​ខ្លី​បាន៖

១. ពស់ Anaconda បៃតង
ពស់​​នេះ​មាន​ប្រវែង​ដល់​ទៅ ៩ម៉ែត្រ និង​ទម្ងន់​ជាង ២២៧គីឡូក្រាម ​ដោយ​វា​បាន​ជាប់​ឈ្មោះ​ជា​សត្វ​ពស់​ធំជាង​គេ​បំផុត​ ហើយ​គេ​តែង​តែ​ឃើញ​វា​ហែល​ក្នុង​ទន្លេ​អាម៉ាហ្សូន​ជារឿយៗ​។ ល្បឿន​នៃ​ការ​ហែល​ទឹក​របស់​វា លឿន ​​និង​វាយ​ប្រហារ​សត្រូវ​ចំ​គោល​ដៅ វា​អាច​លេប​ខ្លាដំបង ក្រពើ ជ្រូក​ព្រៃ ក្ដាន់ និង​មនុស្ស​ដោយ​គ្មាន​បញ្ហា ដោយ​វា​ប្រើ​ខ្លួន​រឹត​ជុំវិញ​ឲ្យ​សត្រូវ​ថប់​ដង្ហើម​តែ​ម្ដង។
២. ក្រពើខ្មៅ Caiman
ក្រពើ​ Caiman ជា​ប្រភេទ​ក្រពើ​ធំ​ជាង​គេ​បំផុត​ក្នុង​លោក និង​ជា​សត្វ​គួរ​ឲ្យ​ខ្លាច​បំផុត​មួយ​នៅ​ព្រៃ​អាម៉ាហ្សូន។ ​វា​មិន​ដែល​រារែក​ក្នុង​ការ​ចាប់​សត្វ​ផ្សេង​ៗ​ជា​ចំណី​ឡើយ មិន​ថា​ស្វា ត្រី​ពីរ៉ាញ៉ា​ ជ្រូកព្រៃ ភេ​យក្ស ឆ្កែព្រៃ ​ពស់​ Anaconda និង​ក្រពើ​ផ្សេង​ៗ​ទៀត​ដែរ។ ក្រពើ​នេះ​អាច​មាន​ប្រវែង​ដល់​ទៅ ៦ម៉ែត្រ។

៣. អន្ទង់​អគ្គិសនី
អន្ទង់​អគ្គិសនី ឬ​អន្ទង់​ឆក់​នេះ អាច​បង្កើត​អគ្គិសនី​​ខ្លួន​ឯង​បាន​ ដោយ​​​មាន​កម្លាំង​ខ្លាំង​ជាង​​អគ្គសនី​ធម្មតា ៥ដង។ ​ការ​ចាប់​ចំណី​របស់​វា ​គឺ​មាន​ភាព​ងាយ​ស្រួល ដោយ​គ្រាន់​តែ​បញ្ចេញ​ភ្លើង​ឆក់​ដាក់​ឲ្យ​សត្រូវ​ងាប់ រួច​វា​លេប​ទាំង​មូល ប៉ុន្តែ​វា​អាច​បញ្ចេញ​កម្លាំង​ឆក់​​​ដ៏​ខ្លាំង​ជា​ច្រើន​នាទី ​ពេល​វា​ត្រូវ​សត្វ​ផ្សេង​យាយី​ឲ្យ​ភ័យខ្លាច​។ មនុស្ស​ជាច្រើន​នាក់​​មក​ហើយ ​ធ្លាប់​ត្រូវ​អន្ទង់​​ឆក់ ​ក្រោយ​ដើរ​ជាន់​វា​ដោយ​មិន​ដឹង​ខ្លួន ដែល​ធ្វើ​ឲ្យ​ពិការ​​ដើរ​លែង​រួច។

៤. ត្រី​ពីរ៉ាញ៉ា​ក្រហម
​​​​ត្រី​​ពីរ៉ាញ៉ា​​មាន​មាឌ​តូច តែ​មាន​ធ្មេញ​ស្រួច រឹង​ អាច​ខាំ​ហែក​សាច់​​ចេញ​ពី​ឆ្អឹង​បាន តែ​អ្នក​ជំនាញ​ប្រាប់​ថា​​ភាគច្រើន វា​ស៊ី​សាច់​សត្វ​ងាប់​ស្រាប់។ វា​ក៏​ស៊ី​សត្វ​ល្អិត និង​ដើម​រុក្ខជាតិ​ដែរ ហើយ​ពួកវា​ចូលចិត្ត​រស់​នៅ​ជា​ហ្វូង។

៥. កញ្ចាញ់​ចេក​​ពិស Dart Frog
កញ្ចាញ់​ចេក​ពិស​នេះ​​​មាន​ខ្លួន​ពណ៌​ឆើត​ៗ​ដូច​ ពណ៌​ស្វាយ បៃតង លឿង និង​ទឹក​មាស​ ហើយ​​​​សត្វ​ដែល​ប៉ះ​ខ្លួន​វា​នឹង​ត្រូវ​ស្លាប់​ក្នុង​រយៈ​ពេល​ខ្លី ដោយសារ​ពិស​តាម​ស្បែក​ នឹង​ជ្រាប​ចូល​ក្នុង​​បេះ​ដូង​សត្រូវ​ ដែល​ធ្វើ​ឲ្យ​បេះដូង​លែង​ដំណើរការ​។

៦. ឥន្ទ្រី​កំណាច Harpy
ឥន្ទ្រី​នេះ​ ជា​ប្រភេទ​សត្វ​បក្សី​ធំ​ជាង​គេ​បំផុត​មួយ ដែល​មាន​ក្រញាំ​​ប្រវែង​ដល់​ទៅ ១៣សង់ទីម៉ែត្រ។ ក្រញាំ​ទាំង​នេះ​អាច​ចាប់​​កូន​ក្រពើ ស្វា កំប្រុក កណ្ដុរ ពង្រូល និង​បក្សី​តូច​ៗ​នៅ​លើ​ដើម​ឈើ​បាន។

៧. ពីងពាង​ពិស Brazilian Wandering
​​​​​​​​ពីងពាង​​ប្រភេទ​នេះ ត្រូវ​បាន​គេ​ចាត់​ទុក​ជា​ពីងពាង​​មាន​ពិស​ខ្លាំង​ជាងគេ​បំផុត ហើយ​សត្រូវ​​ដែល​ត្រូវ​ពិស ​តែង​តែ​ដើរ​លែង​រួច មាន​អាការៈ​ពិបាក​ដកដង្ហើម​ ឈឺចុក​ចាប់​ពេញ​រាង​កាយ។

៨. ក្អែប​យក្ស Amazonian
ក្អែប​នេះ​មាន​ប្រវែង​ដល់​ទៅ​ ២៥ ទៅ ៣០សង់ទីម៉ែត្រ ពិស​របស់​​វា​អាច​សម្លាប់ សត្វល្អិត​ អា​ពីង ​បក្សី​តូច​ៗ បង្កួយ ​កង្កែប កណ្ដុរ ពស់ និង​ប្រចៀវ​ជាដើម។ វិធី​សម្លាប់​សត្រូវ គឺ​វា​យក​ខ្លួន​របស់​វា​រុំ​ព័ទ្ធ​នឹង​ចំណី រួច​ចាប់​ផ្ដើម​ស៊ី​ចំណី​ទាំង​រស់​បន្តិច​ម្ដងៗ។

៩. ស្រមោច​ពិស Bullet
​​​​ទោះ​ជា​វា​មាន​ខ្លួន​តូច​ប្រវែង​ជាង ២,៥​សង់ទីម៉ែត្រ​ក្ដី ក៏​ពិស​របស់​វា​ធ្វើ​ឲ្យ​សត្រូវ​ឈឺ​ចុកចាប់ ដូច​ត្រូវ​​​គ្រាប់​ដែរ ​ហើយ​​កន្លែង​ដែល​វា​ខាំ​​នឹង​ធ្វើ​ឲ្យ​លែង​ដំណើរការ។

១០. ប្រចៀវ​ជញ្ជក់​ឈាម Common
ប្រចៀវ​នេះ​ចេញ​រក​ចំណី​តែ​ពេល​យប់ ​ហុត​តែ​ឈាម​ប៉ុណ្ណោះ ហើយ​វា​ក៏​ត្រូវ​គេ​ប្រទះ​ឃើញ​នៅ​ប្រទេស​មិកស៊ិក​ និង​អាមេរិក​ខាងត្បូង​ដែរ។ ​វា​តែង​តែ​ទៅ​ខាំ​គោ​ក្របី សេះ ដែល​ខាំ​បឺត​ម្ដង​មាន​រយៈពេល​ជាងកន្លះ​ម៉ោង។ ​វា​ខាំ​មិន​សូវ​ឈឺ​ទេ ​ហើយ​បើ​ខាំ​មនុស្ស ​មិន​អាច​ធ្វើ​ឲ្យ​មនុស្ស​មាន​ជំងឺ​ឡើយ ​ប៉ុន្តែ​មុខ​របួស​ងាយ​នឹង​ឆ្លង​ជំងឺ​ផ្សេងៗ​ណាស់​៕

image
5 months ago - Translate

អ្នកអាចភ្ញាក់ផ្អើលនឹងរឿងរ៉ាវទាំងនេះ ពេលទស្សនាប្រទេសជប៉ុនជាលើកដំបូង
១. បន្ទប់សណ្ឋាគារមានបន្ទប់រាងទ្រវែងដូចគ្រាប់ថ្នាំ
២. ហាងលក់ទំនិញ២៤ម៉ោង
៣. បើអ្នកមិនចង់ទិញឥវ៉ាន់នៅហាងថ្លៃៗ អ្នកអាចទៅទិញនៅហាង ១០០ យ៉េន
៤. ពេលទិញរបស់ផ្សេងៗ សូមកុំភ្លេចបង់ពន្ធ
៥. សូមដោះស្បែកជើងពេលចូលទៅក្នុងផ្ទះ ព្រះវិហារ ឬ កន្លែងផ្សេងៗទៀត
៦. ប្រសិនបើអ្នកមានគម្រោងនៅក្នុងប្រទេសជប៉ុនរយៈពេលយូរ អ្នកគួរតែមានកញ្ចប់សម្រាប់ពេលមានអាសន្ន
៧. នៅគ្រប់ទីកន្លែង តែងតែមានស្ថានីយ៏ប៉ូលីសនៅក្បែរ សម្រាប់ជួយដល់អ្នកទេសចរ
៨. រឿងសំខាន់បំផុតដែលអ្នកគួរចងចាំនៅក្នុងប្រទេសជប៉ុនគឺ គោលការណ៏មិនរំខានគ្នា

image
About

We will provide you with information of tourism places and tourism-related institutions.